“Sərt müəllim daha effektivdir, yoxsa anlayışlı bir müəllim? İlk söyləmək istərdim ki, sərt müəllim yoxsa anlayışlı müəllim deyəndə biz mütləq dərəcədə burada nəyi nəzərə almalıyıq? Müəllim olaraq həm anlayışlı, həm də sərhəd qoymağı bacaran bir müəllim olmalıdır.”
Bu sözləri “Tehsil365” ə açıqlamasında , psixoloq Nabat Mirzəyeva bildirib.
“Yəni, hər ikisi balanslı şəkildə olduğu zaman ən doğru müəllim modeli həmin müəllimdir. Yəni, təkcə sərtlik üzərində qurulan bir yanaşma — əgər bir müəllim sərtliyi üzərində addımlayacaqsa — bu, qısa müddətdə nizam-intizam yaratsa da, istər-istəməz uşaqlarda o sərtlik nəticəsində qorxu, stress, yəni səhv etməkdən çəkinmə yarada bilər. Ancaq bu isə onlarla bərabər uşağın dərsə qarşı həvəsini azalda bilər, həm yaradıcı qabiliyyətini azalda bilər, həm də sərbəst düşünməsinə mane ola bilər. Çünki şagird düşünür ki, filan bir fikir ifadə olunarsa, müəllim məndən hirslənəcək, müəllim mənimlə sərt danışacaq və buna görə də fikrini ifadə etməməyi daha çox üstün tutur. Digər tərəfdən, yalnız anlayışlı olan bir müəllim də doğru deyil. Çünki yalnız anlayışlı olan bir müəllim, əgər sərhəd qoymazsa, sərhədsiz yanaşarsa, bu effektiv olmur. Bu halda şagirdlər istər-istəməz məsuliyyət hissini kifayət qədər hiss etməyə başlayırlar və artıq qaydalardan uzaqlaşmağa başlayırlar, qaydalar zəifləyir və tədris get-gedə çətinləşməyə başlayır. Ona görə ən sağlam yanaşmada mütləq şəkildə hər şey balanslı olmalıdır. Yəni müəllim həm qaydaları aydın şəkildə qoymalıdır, uşaqlara mütləq əvvəlcədən bildirməlidir ki, qayda budur, şərt budur, həm də şagirdi anlamağa çalışmalıdır. Şagird hiss etməlidir ki, sözsüz ki, bir müəllim olaraq ondan dərs oxumağı tələb olunur, amma eyni zamanda səhv etdikdə də həmin səhvə qarşı bir sərhəd var. Yəni ki, müəllim şagirdi anlayır və eyni zamanda da bir sərhəd mövcuddur, ancaq o sərhəddən sonra şagird rədd olunmur, uzaqlaşdırılmır. Sadəcə sərhədli şəkildə bilir ki, bu etdiyi səhvdir; öncədən müəllim sərhəddini qoymuşdu, fikrini söyləmişdi. Ancaq müəllim anlayışlı olduğu üçün onu anlayacaq. Sözsüz ki, balans, struktur və empatiya burada çox önəmlidir. Belə bir mühitdə şagird həm özünü təhlükəsiz hiss edir, həm də məsuliyyətlə davranmağı öyrənir. Bu isə dərs baxımından və davamlılıq baxımından daha keyfiyyətli yanaşmaya gətirib çıxarır. Şagirdin dərsə davamlı gəlməyinə, özünü rahat hiss etməyinə və keyfiyyətli öyrənməyinə kömək edir.”
“Nəticə olaraq, ən doğru müəllim nə qorxu yaradan, həddindən artıq sərt olan müəllimdir, nə də tam sərbəst buraxan müəllim. Ən doğru müəllim — həm tələbkar, həm anlayışlı, həm fikrini ifadə edən, həm strukturlu, həm qaydalı, ancaq eyni zamanda empati qurmağı bacaran müəllimdir. Sözsüz ki, uşaqlardan tələb də etməlidir, amma bu tələblə bərabər öz anlayışını da sərgiləməlidir.”