Bakı Şəhəri üzrə Təhsil İdarəsi valideynlərin Xətai rayonundakı Elman Məmmədov adına uşaq bağçasının binasının təhlükəli vəziyyətdə olması ilə bağlı iddialarını araşdırıb.
“Tehsil365“ xəbər verir ki, İdarədən verilən məlumata görə, sözügedən uşaq bağçası 1935-ci ildə istifadəyə verilib. Uzunmüddətli istismar nəticəsində bağçanın binası köhnəlib və əsaslı təmirə ehtiyac yaranıb:
"Qeyd edilən məsələ ilə bağlı bağçaya baxış keçirilib, altevnativ həll yolları araşdırılıb.
Dövlət Proqramı çərçivəsində sözügedən məktəbəqədər təhsil müəssisəsinin əsaslı təmirinin nəzərə alınması üçün zəruri tədbirlər görülür.
Yay dövrü ərzində bağça infrastrukturunun yenilənməsi planlaşdırılır".