Bu gün görkəmli dirijor, Azərbaycan SSR xalq artisti Nazim Əsədulla oğlu Rzayevin anım günüdür.
“Tehsil365” xəbər verir ki, Nazim Rzayev 1925-ci il fevralın 14-də Bakıda anadan olub. O, uzun illər Azərbaycan musiqi sənətinin inkişafında mühüm rol oynayıb və Azərbaycan Televiziyası və Radiosunun Kamera Orkestrinin rəhbəri kimi fəaliyyət göstərib.
Maestro peşəkar dirijorluq fəaliyyəti, musiqi kollektivlərinin formalaşmasındakı xidmətləri və milli musiqinin təbliği ilə böyük nüfuz qazanıb. O, 1977-ci ildə “Azərbaycan SSR xalq artisti” fəxri adına layiq görülüb, həmçinin SSRİ və Azərbaycan Dövlət mükafatlarının laureatı olub. 1985-ci ildə professor adına layiq görülən sənətkar musiqi təhsilinə də mühüm töhfələr verib.
Nazim Rzayev 2006-cı il mayın 2-də Türkiyənin Əskişəhər şəhərində vəfat edib. Onun sənət irsi Azərbaycan musiqi tarixində xüsusi yer tutur.