University of St Andrewsdə keçirilən ənənəvi “May Dip” tədbiri bu il tələbələrin narazılığı ilə diqqət mərkəzinə düşüb.
“Tehsil365” xəbər verir ki, Universitetin illik mərasimi çərçivəsində səhər saatlarında dənizə daxil olan tələbələrin görüntülərinin bəzi fotoqraflar tərəfindən çəkilərək milli mətbuatda yayımlanması etirazlara səbəb olub. Xüsusilə qadın tələbələr üzgüçülük geyimində olan şəkillərinin razılıqları olmadan dərc edilməsindən narahat olduqlarını bildiriblər.
Bəzi iştirakçılar yayılan görüntülərin şəxsi sərhədləri pozduğunu və tədbirin mahiyyətinə kölgə saldığını deyərək məsələni tənqid ediblər. Tələbələrdən biri hadisənin “bütün gecəsini məhv etdiyini” qeyd edib.
Müzakirələrdən sonra universitetdə şəxsi həyatın toxunulmazlığı, media etikası və ictimai tədbirlərdə foto çəkilişi qaydaları yenidən gündəmə gəlib. Tələbə birlikləri gələcək tədbirlərdə iştirakçıların razılığının daha ciddi şəkildə nəzərə alınmasına çağırış ediblər.