ABŞ Müdafiə Nazirliyi gizli sənədlərlə işləmək üçün yeni nəsil süni intellekt (Sİ) alqoritmlərinin istifadəsinə qoyulan məhdudiyyətləri aradan qaldırıb. "Defence Express" nəşrinin məlumatına görə, bu addım hərbi idarəetmədə rəqəmsal transformasiyanın yeni mərhələsi hesab olunur.
“Tehsil365“ xəbər verir ki, indiyədək Pentaqonun süni intellekt sistemləri yalnız məxfi olmayan hesabatlar, maliyyə sənədləri və strateji proqramların analizi ilə məhdudlaşırdı. Yeni qərardan sonra isə Sİ alqoritmləri birbaşa məxfi səviyyəli sənədlərin işlənməsinə və xüsusi tapşırıqların icrasına cəlb ediləcək.
Pentaqonun Baş Rəqəmsal Texnologiyalar və Süni İntellekt İdarəsi (CDAO) bu məsuliyyətli iş üçün ABŞ-ın 8 aparıcı texnologiya nəhənginə icazə verildiyini açıqlayıb:
SpaceX
OpenAI
Nvidia
Reflection
Microsoft
Amazon Web Services
Oracle
Bu şirkətlər mülki bazarda "ChatGPT", "Gemini" və "CoPilot" kimi məşhur məhsulları ilə tanınsa da, Pentaqon üçün daha mürəkkəb və qapalı korporativ həllər təqdim edəcəklər. Xüsusilə "Nvidia" süni intellekt mexanizmlərinin əsas tədarükçüsü kimi bu prosesdə mühüm rol oynayır.
Məxfi statusla əlaqədar olaraq, yeni alqoritmlərin konkret olaraq hansı hərbi əməliyyatlarda və ya strateji planlamalarda istifadə ediləcəyi açıqlanmır. Lakin ekspertlər hesab edirlər ki, bu addım kəşfiyyat məlumatlarının sürətli analizi və qərar qəbulu prosesində ABŞ ordusuna ciddi üstünlük qazandıra bilər.