Ölkə üzrə mərkəzləşdirilmiş qaydada keçirilən müsabiqənin nəticələrinə əsasən, Naxçıvan Muxtar Respublikası Təhsil Nazirliyinin tabeliyində fəaliyyət göstərən, şagird sayı 500-dən artıq olan ümumi təhsil müəssisələrində vakant direktor vəzifələrinə yeni təyinatlar həyata keçirilib.
“Tehsil365“ xəbər verir ki, müsabiqənin müsahibə mərhələsi çərçivəsində 4 vakant vəzifə üzrə ümumilikdə 11 namizəd müraciəti qeydə alınıb. Müsabiqənin seçim mərhələsi başa çatdıqdan sonra ardıcıllıq gözlənilməklə müsahibə mərhələsinə dəvət olunmuş 6 nəfər iştirak hüququ qazanıb.
Müsahibə zamanı namizədlərin liderlik və strateji idarəetmə, pedaqoji fəaliyyət, təşkilatçılıq və idarəçilik, ünsiyyət və əməkdaşlıq, problemlərin həlli və qərarvermə, eləcə də rəqəmsal, texnoloji, sosial və emosional bacarıqları qiymətləndirilib.
Nəticədə 6 nəfər uğur qazanmış onlardan 4-ü müvafiq qaydalar çərçivəsində vəzifəyə təyin olunub.
Heydər Əliyev adına tam orta məktəbə Həsənov Həsən Məmməd oğlu, Naxçıvan şəhər 10 nömrəli tam orta məktəbə Quliyeva Günel Mirməhəmməd qızı, Şərur şəhər 2 nömrəli tam orta məktəbə Əliyev Səfa Ruhulla oğlu, Kəngərli rayonunun Qıvraq qəsəbə tam orta məktəbinə Cəfərova İlahə Aydın qızı direktor vəzifəsinə təyin olunublar.
Naxçıvanın bir neçə məktəbinə yeni direktor təyin edilib
10105.05.2026 - 16:05
