Bu gün görkəmli alim, kimya elmləri doktoru, professor və akademik Rəfiqə Əlirza qızı Əliyevanın anım günüdür.
“Tehsil365” xəbər verir ki, Rəfiqə Əliyeva 20 sentyabr 1932-ci ildə Naxçıvan şəhərində anadan olub. O, uzun illər Azərbaycan elminin inkişafına mühüm töhfələr verərək kimya sahəsində mühüm elmi araşdırmalar aparıb.
Alim elmi fəaliyyəti dövründə bir sıra mühüm nailiyyətlər əldə edib, yüzlərlə elmi məqalə və tədqiqatın müəllifi olub. Onun xidmətləri dövlət tərəfindən yüksək qiymətləndirilib və “Əməkdar elm xadimi” fəxri adına, həmçinin “Şöhrət” ordeninə layiq görülüb.
2014-cü ildə Azərbaycan Milli Elmlər Akademiyasının həqiqi üzvü — akademik seçilən Rəfiqə Əliyeva Azərbaycan elminin tanınmış simalarından biri kimi yadda qalıb.
Rəfiqə Əliyeva 6 may 2017-ci ildə Bakı şəhərində vəfat edib.
Onun elmi irsi və Azərbaycan elminə verdiyi töhfələr bu gün də ehtiramla yad olunur.