Bu gün tanınmış teatr və kino aktyoru, Azərbaycan Respublikasının xalq artisti Arif Əli oğlu Quliyevin anım günüdür.
“Tehsil365” xəbər verir ki, Arif Quliyev 16 may 1950-ci ildə Əli-Bayramlı şəhərində anadan olub. Uzun illər teatr və kino sahəsində fəaliyyət göstərən sənətkar yaratdığı yaddaqalan obrazlarla tamaşaçıların böyük rəğbətini qazanıb.
Aktyor xüsusilə komediya janrındakı rolları ilə tanınıb və Azərbaycan səhnəsində özünəməxsus sənət üslubu formalaşdırıb. Onun sənət fəaliyyəti dövlət tərəfindən yüksək qiymətləndirilib. Arif Quliyevə 1989-cu ildə “Azərbaycan SSR əməkdar artisti”, 1993-cü ildə isə “Azərbaycan Respublikasının xalq artisti” fəxri adları verilib.
Bakı şəhərində yaşayan sənətkar 7 may 2021-ci ildə vəfat edib.
Arif Quliyevin Azərbaycan mədəniyyətinə verdiyi töhfələr və yaratdığı obrazlar bu gün də sevgi və ehtiramla xatırlanır.