Bu gün Birinci Qarabağ müharibəsi iştirakçısı, Gəncə Batalyonunun komandiri Mehman Ələkbər oğlu Ələkbərovin xatirəsi anılır.
“Tehsil365” xəbər verir ki, Mehman Ələkbərov 6 oktyabr 1957-ci ildə Kirovabad şəhərində anadan olub. O, Birinci Qarabağ müharibəsi dövründə Azərbaycanın ərazi bütövlüyü uğrunda gedən döyüşlərdə fəal iştirak edib və Gəncə Batalyonunun komandiri kimi xidmət göstərib.
Hərbçi göstərdiyi xidmət və fəaliyyəti ilə döyüş yoldaşlarının hörmətini qazanıb. O, ölkənin çətin dönəmində Azərbaycanın müdafiəsi uğrunda mübarizə aparan şəxslərdən biri kimi yadda qalıb.
Mehman Ələkbərov 4 iyun 1993-cü ildə Gəncə şəhərində baş verən hadisələr zamanı həyatını itirib.
Onun xatirəsi bu gün də ehtiramla yad olunur.