Ümumi təhsil müəssisələrinin şagirdləri arasında keçirilən Respublika Fənn Olimpiadasında Gəncə-Daşkəsən Regional Təhsil İdarəsinin tabeliyində fəaliyyət göstərən məktəblərin şagirdləri növbəti uğura imza atıblar.
“Tehsil365"ə bu bardə Gəncə-Daşkəsən Regional Təhsil İdarəsindən məlumat verilib.
Bildirilib ki, şagirdlərimiz 7 qızıl , 12 gümüş və 22 bürünc olmaqla ümumilikdə 41 medal qazanaraq regionun təhsil nailiyyətlərinə yeni töhfə veriblər.
Medallar məktəblər üzrə aşağıdakı kimi bölüşdürülüb:
Gəncə şəhər Fizika-riyaziyyat və informatika təmayüllü lisey – 5 qızıl , 10 gümüş ,15 bürünc
Gəncə şəhər M.C.Paşayev adına 39 nömrəli tam orta ümumtəhsil məktəbi – 1 qızıl , 1 bürünc
Gəncə şəhər 26 nömrəli məktəb-lisey – 2 gümüş
Naftalan şəhər İmadəddin Nəsimi adına 1 nömrəli tam orta ümumtəhsil məktəbi – 2 bürünc
Gəncə şəhər 24 nömrəli tam orta məktəb – 1 qızıl
Gəncə şəhər M. Mehdizadə adına 4 nömrəli xarici dil təmayüllü məktəb-lisey – 1 bürünc
Gəncə şəhər Məhəmməd Füzuli adına 22 nömrəli tam orta ümumtəhsil məktəbi – 1 bürünc
Gəncə şəhər 30 nömrəli tam orta ümumtəhsil məktəbi – 1 bürünc
Samux rayon Qaraağaclı qəsəbə tam orta məktəbi – 1 bürünc