Gənclər arasında yuxu rejiminin pozulması halları artmaqdadır. Mütəxəssislər xəbərdarlıq edir ki, bu problem həm fiziki, həm də psixoloji sağlamlığa ciddi təsir göstərir.
“Tehsil365”in araşdırmasına əsasən, gənclərin böyük bir hissəsi gecə saatlarında aktiv olur və kifayət qədər yuxu almır. Xüsusilə telefon, planşet və digər elektron cihazların gecə saatlarında istifadəsi yuxu keyfiyyətini aşağı salır.
Yuxu çatışmazlığı diqqət dağınıqlığı, yaddaş zəifliyi və emosional gərginlik kimi problemlərə səbəb olur. Bu hal xüsusilə şagird və tələbələrin dərs performansına mənfi təsir göstərir.
Həmçinin yatmaq vərdişi orqanizmin bioloji saatını pozur. Nəticədə insan gün ərzində özünü yorğun hiss edir və enerji səviyyəsi aşağı düşür.
Psixoloqların sözlərinə görə, yuxu rejimini normallaşdırmaq üçün müəyyən qaydalara əməl etmək vacibdir. Bunlara hər gün eyni saatda yatmaq, yatmazdan əvvəl elektron cihazlardan uzaq durmaq və sakit mühit yaratmaq daxildir.Bundan əlavə,sağlam həyat tərzi üçün düzgün yuxu rejimi vacib amillərdən biridir və bu məsələyə ciddi yanaşmaq lazımdır.