Soltan Hacıbəyov Azərbaycan professional musiqisinin görkəmli nümayəndələrindən biri kimi yadda qalıb.
“Tehsil365” xəbər verir ki, 1919-cu il mayın 8-də Şuşada anadan olan bəstəkar uzun illər ərzində milli musiqi mədəniyyətinin inkişafına böyük töhfələr verib.
Soltan Hacıbəyov həm bəstəkar, həm dirijor, həm də pedaqoq kimi fəaliyyət göstərib. O, 1964-cü ildə professor adına layiq görülüb, 1973-cü ildə isə “SSRİ xalq artisti” fəxri adını alıb.
Sənətkar müxtəlif illərdə Azərbaycan Dövlət Filarmoniyasının bədii rəhbəri və direktoru, Azərbaycan Bəstəkarlar İttifaqının katibi, həmçinin Azərbaycan Dövlət Konservatoriyasının rektoru vəzifələrində çalışıb.
Soltan Hacıbəyovun yaradıcılığı Azərbaycan musiqi tarixində mühüm yer tutur və onun əsərləri bu gün də sevilərək dinlənilir.