Bakı Dövlət Universitetinin (BDU) Tələbə Həmkarlar İttifaqı Komitəsi və “BDU-nun rəqəmsallaşma komandası”nın birgə təşkilatçılığı ilə “Rəqəmsal bacarıqlar” proqramlaşdırma müsabiqəsi keçirilib.
BDU-dan “Tehsil365"ə bildirilib ki, gənclərin rəqəmsal alətlərdən istifadə arealının genişləndirilməsi, qeyd olunan istiqamətdə bacarıqlarının artırılması və nəzəri biliklərin müasir tələblərə uyğun təkmilləşdirilməsi məqsədilə keçirilən müsabiqədə ümumilikdə 30 iştirakçıya müxtəlif proqramlaşdırma tapşırıqları və məntiqi suallar verilib. Rəqabətli və interaktiv mühitdə tələbələr öz bilik və bacarıqlarını nümayiş etdiriblər.
Nəticələrə əsasən, Tətbiqi riyaziyyat və kibernetika fakültəsinin II kurs tələbəsi Mehdi Məmmədov I, II kurs tələbəsi Ömər Abbasov II, I kurs tələbəsi Elşən Məhərrəmov isə III yerə layiq görülüb. Qaliblər diplom, medallar və pul mükafatı ilə təltif olunublar.