Mehman Qəzənfər oğlu Sayadov 21 noyabr 1972-ci ildə Vardenis rayonunun Günəşli kəndində anadan olub.
“Tehsil365” xəbər verir ki, O, Birinci Qarabağ müharibəsində göstərdiyi şücaət və qəhrəmanlığı ilə Azərbaycan tarixində xüsusi yer tutub.
Mehman Sayadov gənc yaşlarından Vətənə bağlılığı və cəsarəti ilə seçilib. Qarabağ uğrunda gedən döyüşlərdə fəal iştirak edən qəhrəman döyüşçü ağır və təhlükəli əməliyyatlarda böyük igidlik nümayiş etdirib.
O, 9 may 1992-ci ildə Şuşa rayonunun Nəbilər kəndi istiqamətində gedən döyüşlər zamanı şəhid olub. Şəhidliyindən sonra göstərdiyi qəhrəmanlığa görə Mehman Sayadova “Azərbaycanın Milli Qəhrəmanı” adı verilib.
Milli Qəhrəmanın xatirəsi Azərbaycan xalqı tərəfindən daim ehtiramla yad edilir və onun keçdiyi döyüş yolu gənc nəsillərə vətənpərvərlik nümunəsi kimi göstərilir.