“Özünü ifadə edə bilməmək insanın həm psixoloji vəziyyətinə, həm münasibətlərinə, həm də ümumi həyat keyfiyyətinə ciddi təsir göstərə bilər. Çünki insanın əsas psixoloji ehtiyaclarından biri duyğu və düşüncələrinin narahatlıq, daxili sıxıntı, əsəbilik və emosional yorğunluq kimi özünü göstərə bilər.”
Bu sözləri “Tehsil365” ə açıqlamasında , Nizami Orucov bildirib.
“Uzun müddətdə isə bu vəziyyət stressin artmasına, hətta bəzi hallarda depressiv əhvala səbəb ola bilər.Münasibətlərdə də ciddi problemlər yarana bilər. İnsan nə istədiyini, nə hiss etdiyini və sərhədlərini ifadə edə bilmədikdə qarşı tərəf onu yanlış anlaya bilər. Bu isə anlaşılmazlıqlar, incikliklər və münasibətlərdə məsafə yaradır. Çox zaman konfliktlərin kökündə məhz açıq ifadə olunmamış ehtiyaclar dayanır.Özünü ifadə edə bilməmək özünəinamı da zəiflədə bilər. İnsan fikrini deməkdən çəkindikcə zamanla “mənim dediklərim önəmli deyil” düşüncəsi formalaşa bilər. Bu isə qərar verməkdə çətinlik, passiv davranış və özünü geri planda saxlamaqla nəticələnir.Bundan əlavə, sərhəd qoya bilməmək problemi yaranır. Özünü ifadə etməkdə çətinlik çəkən insanlar çox vaxt “yox” deməkdə də çətinlik yaşayır. Nəticədə başqalarının istəklərinə uyğunlaşmağa çalışır, öz ehtiyaclarını isə ikinci plana atırlar. Bu da zamanla daxili narazılıq və tükənmişlik yaradır.Psixoloji baxımdan özünü ifadə etmək sadəcə danışmaq deyil, insanın öz daxili aləmi ilə əlaqədə olmasıdır. İnsan nə hiss etdiyini tanıyıb bunu sağlam şəkildə ifadə etdikdə həm özü ilə, həm də ətrafı ilə daha sağlam münasibət qurur.Ümumilikdə, özünü ifadə edə bilməmək daxili gərginlik, münasibət problemləri, özünəinam azalması və emosional tükənməyə səbəb ola bilər. Bu bacarıq sonradan öyrənilə və inkişaf etdirilə bilən psixoloji qabiliyyətdir.”