Azərbaycan Xalq Cümhuriyyətinin görkəmli dövlət xadimlərindən biri olan Xosrov bəy Sultanov 1879-cu il mayın 10-da Zəngəzur qəzasının Kürdhacı kəndində anadan olub.
“Tehsil365” xəbər verir ki, O, ölkənin ictimai-siyasi həyatında fəal iştirak edərək müxtəlif mühüm vəzifələrdə çalışıb.
Xosrov bəy Sultanov Azərbaycan Xalq Cümhuriyyəti dövründə hərbi nazir vəzifəsini icra edib, daha sonra Qarabağın general-qubernatoru təyin olunub. Onun fəaliyyəti xüsusilə ölkənin ərazi bütövlüyünün qorunması və dövlət idarəçiliyinin gücləndirilməsi istiqamətində yadda qalıb.
Siyasi fəaliyyətinə görə tarixdə mühüm yer tutan Xosrov bəy Sultanov 1943-cü il yanvarın 7-də İstanbul şəhərində vəfat edib. Onun adı Azərbaycan dövlətçilik tarixində önəmli simalardan biri kimi xatırlanır.