“Ev tapşırıqları şagirdin öyrəndiklərini möhkəmləndirməklə yanaşı, onda məsuliyyət və intizam yaradır.”
Bu sözləri "Tehsil365"ə açıqlamasında pedaqoq Validə Quliyeva deyib.
O bildirib ki, bəzi şagirdlər ev tapşırıqlarına laqeyd yanaşır və bu da onların dərsi tam mənimsəməsinə mane olur. Onun sözlərinə görə, tapşırıqların vaxtında və düzgün yerinə yetirilməsi şagirdin ümumi nəticələrinə birbaşa təsir edir.
Validə Quliyeva qeyd edib ki, valideynlər uşaqların ev tapşırıqlarını yerinə yetirməsinə nəzarət etməli, lakin bunu təzyiq formasında deyil, dəstək şəklində etməlidirlər.
Sonda pedaqoq vurğulayıb ki, ev tapşırıqları düzgün təşkil edildikdə şagirdin müstəqil düşünmə və öyrənmə bacarıqlarını inkişaf etdirir.