Azərbaycan heykəltəraşlıq sənətinin görkəmli nümayəndələrindən olan Fuad Əbdürrəhmanov milli mədəniyyət tarixində özünəməxsus iz qoyub.
“Tehsil365” xəbər verir ki, O, 1915-ci il mayın 11-də Şəki şəhərində anadan olub. Yaradıcılığı boyunca bir sıra monumental abidələrin müəllifi kimi tanınan sənətkar Azərbaycan təsviri sənətinin inkişafında mühüm rol oynayıb.
Fuad Əbdürrəhmanov 1955-ci ildə “Azərbaycan SSR xalq rəssamı” fəxri adına layiq görülüb. O, həmçinin 1949-cu ildə SSRİ Rəssamlıq Akademiyasının müxbir üzvü seçilib. Heykəltəraş yaradıcılığı dövründə iki dəfə Stalin mükafatı laureatı olub — 1947 və 1951-ci illərdə bu nüfuzlu mükafata layiq görülüb.
Sənətkarın müəllifi olduğu heykəllər və memorial əsərlər bu gün də Azərbaycanın müxtəlif şəhərlərində qorunur və mədəni irsin mühüm nümunələri hesab edilir. Fuad Əbdürrəhmanov 1971-ci il iyunun 15-də Bakı şəhərində vəfat edib.