“Həkimlik haqqında çox sözlər demək olar. Çətin tərəflərindən biri odur ki, qəbul etdiyin xəstəni tam analiz etməlisən. Hansı bölgədəndir, nə iş işləyir, sənəti, gündəlik davranışları – hamısı nəzərə alınmalıdır. Nə üçün bölgə? Həm pasport söhbətindən başqa, həm də hər bir bölgənin özünə uyğun ekoloji mühiti var: nə çatışır, nə çatışmır. Yəni həkim onların hamısını bilməlidir.”
Bu sözləri “Tehsil365” ə açıqlamasında , tibb eksperti Aydın Əliyev bildirib.
“Bir cümlə demək istəyirəm, o da budur ki, həkim yeganə sənətdir ki, dünyada Allahın yaratdığı canlıya ancaq həkim kömək edə bilər. Həkimdən başqa kim olursan ol, dünyanı idarə elə, dünyanı lap milyarder ol, xəstəsənsə kömək edə bilməzsən, həkim kömək edə bilər. Ona görə də həkimin işi xəstəni müalicə etdikdə, onun işi Allah yolunda, Allah qapısında üzü ağdır. Çünki, bir də deyirəm, həkim o xəstəyə kömək edə bilər, başqa heç kim kömək edə bilməz. Xəstənin canı ilə bağlıdır.Digər tərəfdən çətin tərəflərindən biri xəstələrin özü ilə bağlıdır. Həkim xəstəni analiz edir, diaqnoz qoyur, diaqnoza uyğun müalicə yazır və deyir ki, sənin diaqnozuna görə bu dərmanlarla hansı qidalar yemək olar, yemək olmaz, nə vaxt və s. Və xəstə həkimin dediklərini etməyəndə müalicə getmir. Yəni dərmanda ilahi güc yoxdur. Dərman həkimin analizlərinin, beyninin, düşüncələrinin nəticəsində ortaya çıxır, xəstə də o dediklərini edir. Əgər xəstə həkimin dediyini etməsə, onda problemlər yaranır, əksinə daha da ziyan verir. Yəni bu həkimliyin çətin tərəflərindən biridir ki, “mən getdim həkimə və müalicə olunmadım” Sə həkimin dediyini etdinmi? Digər tərəfdən çətin tərəflərindən biri dərmanla bağlıdır. Həkim o xəstəliyə lazım olan dərmanı düz yazır, amma dərmanın keyfiyyəti, saxlanması – yəni bütün bunlar dərmanın keyfiyyətinə təsir edir. Nəticədə də həkimin yazdığı dərmanın zəif müalicə, ya da müalicə əhəmiyyəti olmayanda yenə də həkimin üzərinə düşür ki, “Hə, bu həkim məni müalicə edə bilmədi”.Yəni çoxdur bu məsələlər. Həkim günün saatından asılı olmayaraq, ümumi şəkildə deyirəm, həmişə xəstənin, insanların yanındadır. Həkim yeganə sənətdir ki, insanlara sağlam yanaşmağı, sağlam düşünməyi hamısını həkim deyir, öyrədir. Başqa heç bir sahə bunu bu qədər izah etmir. Hə, bir məsələyə də toxunaq. Həkimin işlədiyi yerlə müvafiq laborator analizlər, müvafiq kliniki, belə deyək, instrumental vasitələr də həddindən artıq vacib şərtdir. Bunların hamısı həkimin işinə müsbət təsir edir.