Azərbaycan teatr və kino sənətinin tanınmış nümayəndələrindən biri olan Aliyə Ramazan qızı Terequlova 1913-cü il mayın 13-də Tiflisdə anadan olub.
“Tehsil365” xəbər verir ki, O, uzun illər Azərbaycan səhnəsində fəaliyyət göstərərək milli mədəniyyətin inkişafına mühüm töhfələr verib.
Aktrisa yaradıcılığı boyunca müxtəlif teatr tamaşalarında yaddaqalan obrazlar canlandırıb və tamaşaçı rəğbəti qazanıb. Sənətə olan bağlılığı və uğurlu fəaliyyəti nəzərə alınaraq, 1943-cü ildə ona “Azərbaycan SSR əməkdar artisti” fəxri adı verilib.
Aliyə Ramazan qızı Terequlova 1968-ci il martın 13-də Moskvada vəfat edib. O, Azərbaycan teatr tarixində özünəməxsus izi ilə yadda qalan sənətkarlardan biri hesab olunur.