Azərbaycan Silahlı Qüvvələrinin baş giziri, Vətən Müharibəsi Qəhrəmanı Mehrab Söhrab oğlu Niftəliyev 1985-ci il mayın 13-də Quba rayonunun Qam-qam kəndində anadan olub.
“Tehsil365” xəbər verir ki, O, uzun illər hərbi xidmətdə çalışaraq Azərbaycan Ordusunda peşəkar hərbçi kimi tanınıb. Mehrab Niftəliyev 2016-cı ilin Aprel döyüşlərində iştirak edib, həmçinin 2020-ci ildə baş vermiş İkinci Qarabağ müharibəsində döyüş tapşırıqlarını uğurla yerinə yetirib.
Mehrab Söhrab oğlu Niftəliyev Şuşa uğrunda gedən döyüşlər zamanı 2020-ci il noyabrın 8-də şəhid olub. Göstərdiyi igidlik və şücaətə görə ölümündən sonra “Vətən Müharibəsi Qəhrəmanı” adına layiq görülüb.
Qəhrəman hərbçi Azərbaycan xalqının yaddaşında Vətən uğrunda canından keçən igidlərdən biri kimi yaşayır.