Mayın 2-də keçirilmiş Respublika Fənn Müsabiqələri və Lütfi Zadə adına Riyaziyyat-Məntiq Olimpiadasının yarımfinal mərhələlərinin nəticələri elan edilib.
“Tehsil365" xəbər verir ki, şagirdlər portal.edu.az platformasındakı şəxsi kabinetlərinə daxil olaraq nəticələrlə tanış ola bilərlər.
Yarımfinal mərhələsinin nəticələri ilə bağlı müraciətlər üç iş günü ərzində -15 may saat 17:00-dək qəbul edilir. Müraciətlər elektron poçt vasitəsilə göndərilməlidir.
Final mərhələsi 31 may 2026-cı il tarixində keçiriləcək. Bu mərhələdə şagirdlərə müvafiq istiqamətlər üzrə açıq və yarımqapalı tapşırıqlar təqdim ediləcək.
