Naxçıvanda sertifikatlaşdırma prosesinin ikinci dövriyyəsi üzrə keçirilən test imtahanlarında bir qrup 60 yaşdan yuxarı müəllim öz arzusu ilə iştirak edərək yüksək nəticə göstərib.
“Tehsil365“ xəbər verir ki, imtahanda uğur qazanan müəllimlər arasında Kəngərli rayon Xok kənd tam orta məktəbinin tarix müəllimi 64 yaşlı Seyyad Həsənov 54 bal, Kəngərli rayon Şahtaxtı kənd tam orta məktəbinin tarix müəllimi 64 yaşlı Xudayar Nağıyev 51, Kəngərli rayon Təzəkənd tam orta məktəbinin tarix müəllimi 63 yaşlı Bəyimcan Babayeva isə 56 bal, Şərur rayon Zeyvə kənd tam orta məktəbinin tarix müəllimi 63 yaşlı Musa Qasımov 52 bal, Şahbuz şəhər 1 nömrəli tam orta məktəbin ibtidai sinif müəllimi 62 yaşlı Rəna Rzayeva 56 bal toplayıb.
61 yaşlı Yarımca kənd tam orta məktəbinin ibtidai sinif müəllimi, Əmirə Hənifəyeva və Şərur şəhər 2 nömrəli tam orta məktəbin fizika müəllimi, Əminə Əsgərova da imtahanda 56 bal toplayaraq uğurlu nəticə göstəriblər.
Babək rayon Cəhri qəsəbə 1 nömrəli tam orta məktəbin tarix müəllimi, 60 yaşlı Aygün Babayeva isə sertifikatlaşdırma imtahanında 55 bal nəticə əldə edib.
Qocaman müəllimlərin sertifikatlaşdırma prosesində könüllü iştirak edərək yüksək nəticələr göstərməsi onların peşəkarlığının, öz üzərində daim çalışmağa davam etdiklərinin və müəllim peşəsinə sədaqətlərinin nümunəsidir.
