Mayın 8-də Azərbaycan Dillər Universitetinin (ADU) Qafqazşünaslıq və Azərbaycan tarixi kafedrasının müəllimləri Zərifə Əliyeva və Sevinc Abbasovanın təşkilatçılığı ilə BMR Regionşünaslıq (İsrail) ixtisası üzrə 277, 373A və 270B qruplarının tələbələri Azərbaycan Respublikası Hərbi Prokurorluğunda fəaliyyət göstərən Memorial Soyqırımı Muzeyinə ekskursiya ediblər.
“Tehsil365” xəbər verir ki, ekskursiya zamanı tələbələrə Azərbaycan dövlətçiliyinin tarixi, xalqımızın müxtəlif dövrlərdə məruz qaldığı deportasiya və soyqırımı siyasəti, xüsusilə Qərbi Azərbaycandan azərbaycanlıların deportasiyası, tarixi faciələr və milli yaddaş məsələləri barədə ətraflı məlumat verilib. Ekskursiyanın əsas məqsədi gənclərdə tarixi yaddaşın qorunması, milli-mənəvi dəyərlərə bağlılığın gücləndirilməsi və Azərbaycan həqiqətlərinin daha dərindən öyrənilməsinə töhfə vermək olub.
Ekskursiyanın davamı olaraq, mayın 12-də “Qərbi Azərbaycan torpaqlarının hazırlanmış quiz tapşırıqlarından və “İsti stol” metodundan istifadə edilərək tələbələrlə deportasiya siyasətinin səbəb və nəticələri ətrafında müzakirələr aparılıb.
Veb-seminarda ADU-nun Qafqazşünaslıq və Azərbaycan tarixi kafedrasının müdiri, dosent Xatirə Hacıyeva və həmin kafedranın müəllimi, dosent Namiq Kərimov da iştirak ediblər.
Seminarın sonunda isə mövzu üzrə biliklərin qiymətləndirilməsi məqsədilə Kahoot platforması üzərindən interaktiv yarış təşkil olunub.
