“İnsan uzun müddət stress altında olduqda emosional tükənmə yaşayır və bu, gündəlik həyata mənfi təsir göstərir.”
Bu sözləri psixoloq Arzu Fərəcova "Tehsil365"ə açıqlamasında deyib.
O bildirib ki, son dövrlərdə insanlar arasında emosional yorğunluq və gərginlik halları daha çox müşahidə olunur. Onun sözlərinə görə, davamlı stress, istirahətin az olması və psixoloji yüklənmə insanın həm emosional, həm də fiziki vəziyyətinə təsir edir.
Psixoloq qeyd edib ki, emosional tükənmə zamanı insan özünü halsız, motivasiyasız və əsəbi hiss edə bilər. Bu vəziyyət vaxtında nəzarət altına alınmadıqda daha ciddi psixoloji problemlərə səbəb ola bilər.
Sonda o tövsiyə edib ki, insanlar gündəlik həyatlarında istirahətə, yuxu rejiminə və emosional balansın qorunmasına diqqət yetirməlidirlər.