Azərbaycan Dillər Universitetində (ADU) cari ilin 8–10 oktyabr tarixlərində IV Beynəlxalq Türk dili və ədəbiyyatlarının tədrisi konfransı keçiriləcək.
“Tehsil365" xəbər verir ki, bu barədə universitet məlumat yayıb.
Bildirilib ki, konfrans Qazi Universitetinin yaradılmasının 100 illiyinə və I Bakı Türkoloji Qurultayının 100 illiyinə həsr olunacaq.
Tədbir türkologiya sahəsində fəaliyyət göstərən alim və tədqiqatçıları bir araya gətirərək, tarixi irsin araşdırılması, eləcə də türk dili və ədəbiyyatlarının tədrisində müasir yanaşmaların müzakirəsi üçün geniş elmi platforma yaradacaq.
Konfransda iştirak etmək və elmi tədqiqatlarını təqdim etmək istəyən professor-müəllim heyəti, doktorantlar və tədqiqatçılar tezislərini trdiledeb@adu.edu.az elektron poçt ünvanına göndərə bilərlər.
Qeyd edək ki, tezislərin qəbulu üçün son tarix 15 avqust 2026-cı il müəyyən edilib.