Azərbaycan Turizm və Menecment Universitetinin (ATMU) Kitabxana-İnformasiya Mərkəzinin fondu elm və təhsil sahələrini əhatə edən yeni nəşrlərlə zənginləşdirilib.
ATMU-dan “Tehsil365” ə bildirilib ki, fonda daxil edilən kitablar arasında turizm, menecment, tarix, dilçilik, geologiya, strateji idarəetmə və Qarabağ mövzularına həsr olunmuş elmi və tədris ədəbiyyatları yer alır. Yeni nəşrlər sırasında “Qarabağ və Şərqi Zəngəzur. Geologiya və mineral resurslar” (I və II cild), “Strateji idarəetmə: nəzəri və praktiki yanaşmalar”, “Menecment”, “Turizm məhsulunun hazırlanması”, “Yaponiyanın turizm ehtiyatları və onlardan istifadə imkanları”, “Praktische Phonetik der Deutschen Sprache”, “Azərbaycan tarixi”, “История Азербайджана”, “Qərbi Azərbaycana qayıdış haqqı” və “Prezident” kitabları yer alır.
Qeyd edək ki, “Prezident” kitabı universitet tərəfindən satın alınıb, digər nəşrlər isə müəlliflər və tərəfdaş qurumlar tərəfindən Kitabxana-İnformasiya Mərkəzinə hədiyyə edilib.
Yeni daxil olan nəşrlərin tələbələrin, magistrantların, doktorantların və professor-müəllim heyətinin tədris və elmi-tədqiqat fəaliyyətinə, eləcə də bilik və dünyagörüşünün genişlənməsinə mühüm töhfə verəcəyi gözlənilir.
Azərbaycan Turizm və Menecment Universiteti Kitabxana-İnformasiya Mərkəzinə qiymətli nəşrlər hədiyyə edən müəlliflərə və tərəfdaş qurumlara təşəkkürünü bildirir.