“İmtahan bütün həyatı tam müəyyən etmir, sadəcə olaraq həyat yolunun mərhələlərindən biridir”.
Bu fikirləri psixoloq Nabat Mirzəyeva “Tehsil365”ə verdiyi açıqlamada bildirib.
“İlk olaraq onu qeyd edim ki, abituriyentlərin arasında rast gəlinən psixoloji vəziyyətlərdən biridir. Bu psixoloji halın olması, yəni həyəcanın olması normaldır. Hətta abituriyentlərin diqqətini artırır və daha yaxşı nəticə göstərməsinə kömək edən amildir. Həyəcanın olması normal haldır. Yəni bir həyəcan varsa, düzgün balanslaşdırılırsa, bu normaldır. Əgər balansdan çıxmış bir durumdadırsa, bu həyəcan idarə olunmadıqda düşünmə, qərarvermə prosesinə mənfi təsir göstərməsi artıq problemdir. Deyərdik ki, imtahan stressinin qarşısını almaq üçün mütləq öncədən planlı, proqramlı olmaq lazımdır. Planlı şəkildə başladığımız hər iş istər-istəməz həyəcanı balansda saxlamağa kömək edir. Planlı oxuyan abituriyent özünü daha güvənli hiss edir.
Ən böyük stress mənbələrindən biri çatdıra bilməmək qorxusudur. Bundan əlavə olaraq, başqaları ilə özlərini müqayisə etməməlidirlər və valideynlər və abituriyentlər özlərini müqayisə etməməlidirlər. Çünki hər kəsin öyrənmə qabiliyyəti, potensialı fərqli və fərdidir. Başqalarının nəticələrinə fokuslanmaq əvəzinə insan öz inkişafına fokuslanmalı və özünün bacarıqlarının fərqinə varmalı və daha da inkişaf etdirməlidir. Əlavə olaraq, yuxu rejiminə diqqət edilməlidir. Qidalanmaya və fiziki aktivliyə diqqət edilməlidir. İmtahan nəticələrinə bunlar birbaşa təsir göstərir
Yuxusuz qalan beyin yaddaşı zəiflədir. Vurğuladığım kimi valideynlərin də rolu burada böyükdür. Onların yanında olmalı, dəstəkləməli, onlara yüksək bal toplamalısan əvəzinə "Sən mübarizəni sağlam olaraq apar, özünə güvən, biz də sənin yanındayıq" deyə vurğulamalıdırlar. Bu, onların üzərində olan təzyiqi və stresi azaldır.
Stressi azaltmaq üçün özümüzə vaxt ayırmalıyıq, az-az nəfəs məşqləri etməməlidirlər. Sakitləşmək üçün özləri ilə ünsiyyətə keçməkdən vazkeçməməlidirlər bu ünsiyyət nədir? yəni ki, bu imtahan mənim həyatım üçün önəmlidirsə mənim hisslərim, duyğularım, stressimi darə etmək, özümə dəyər vermək bir o qədər önəmlidir. İmtahan bütün həyatını tam müəyyən etmir, sadəcə həyat yolunun mərhələlərindən biridir”.