"İqlim dəyişikliyinin yaratdığı ekoloji problemlərin həlli üçün beynəlxalq siyasi iradənin gücləndirilməsi zəruridir."
Bu fikirləri politoloq Samir Hümbətov “Tehsil365”ə açıqlamasında bildirib.
İqlim dəyişikliyi məsələsi əslində günümüzün ən aktual mövzularından biridir. Bu gün beynəlxalq səviyyədə problemə çevirilmiş bir haldır, yəni qlobal iqlim dəyişikliyinin baş verməsi mahiyyət etibarilə ekoloji problemləri özü ilə bərabər gətirir. Bu gün sürətli şəkildə havanın çirklənməsi, urbanizasiya prosesinin güclənməsi, ekoloji cəhətdən faydalı olacaq yaşıllıqların sıradan çıxarılması, üstəlik əhali artımı çoxalması, dənizlərin, çayların, göllərin çirklənməsi ciddi sosial-iqtisadi, siyasi problemləri özü ilə birlikdə gətirir. Təbii ki, çox təəssüflə deyək ki, baxmayaraq “COP” tədbirləri keçirilir, yəni iqlim dəyişiklikləri ilə bağlı hər il beynəlxalq tədbir keçirilir amma bu gün nə qədər də bunun üzərində çalışsalar da, nəticə yönümlü fəaliyyət əldə olunmayıb. Bu gün siyasi nəticələri ortaya qoymaq bir problemə çevrilib və görünən ondan ibarətdir ki, yaxın müddət ərzində böyük dövlətlər, BMT-ə daxil olan bütün ölkələrin siyasi iradə nümayiş etdirməsi mümkün olmasa bu ekoloji problemlər daha da dərinləşəcək. Təbii ki, burada elmi- texnoloji imkanların inkişaf etməsi də ekoloji böhranları yaradır amma digər tərəfdəndə bu siyasi proseslərin də tərkib hissəsidir. Baş verən müharibələrdən yaranan ekoloji çirklənmələr olsun buda təbii ki, iqlim dəyişikliyinə səbəb olur. Eyni zamanda deyək ki, elmi- texnoloji inkişafdanda qaynaqlanan səbəblər olsun yəni hər biri mahiyyət etibarilə iqlim dəyişikliyinə səbəb olur. Burda təbii ki, beynəlxalq birliyin siyasi iradəsi olmalıdır ki, bu hələ tam bərqərar olmuyubdur. Ümumi dövlət səviyyəsində buna qarşı bir münasibət bildirilir ki, bəli iqlim dəyişikliyi genişlənir, ekoloji problemlər böyüyür amma ümümi yetkin qərar alına bilmir. Məsələn: “COP” tədbirlərində biz görürük ki, lazım olan maksimal məbləğ toplana bilmir. Yəni toplanan məbləğ kifayət etmir. Bu baxımdan hesab edirəm ki, qarşıdakı dövr üçün bu ekoloji problemlərin həllində siyasi nöqteyi nəzərdən mövqe ortaya qoyulmalıdır və beynəlxaql birlik çıxış edərək planetimizin gələcəyini qorumaq üçün addımlar atmalıdır. Əks təqdirdə baş verə biləcək böyük katakrizimlər, təbii fəlakətlər daha geniş miqyas ala bilər. Buda son nəticədə dövlətləri ya böyük su daşqınları, çay daşqınları ilə sel-yağış suları ilə ya da kəskin istiləşmələrlə üz-üzə qoya bilər ki, iqtisadi-sosial, humanitar problemlərə hətta epidamoloji, pandemiya proseslərinə gətirib çıxarda bilər.