Əmək və Əhalinin Sosial Müdafiəsi Nazirliyinin (ƏƏSMN) tabeliyində Sosial Xidmətlər Agentliyinin təşkilatçılığı ilə ölkəmizə gətirilən 30 ukraynalı uşaq agentliyin Qəbələ Uşaq Reabilitasiya Mərkəzində sosial-psixoloji reabilitasiya xidmətləri ilə təmin edilirlər.
Bu barədə “Təhsil365”ə ƏƏSMN-in İctimaiyyətlə əlaqələr şöbəsindən məlumat verilib.
Bildirilib ki, onların hər biri üçün fərdi reabilitasiya proqramı hazırlanıb və fərdi konsultasiyalar, qrup terapiyaları, yoqa və rəqs terapiyası məşğələlərinə cəlb olunurlar.
Uşaqlar müalicəvi masaj, müalicəvi hovuz və vanna, art-terapiya və digər xidmətlərdən də yararlanırlar. Həmçinin onlar üçün Şəki Yaylasına və Şamaxıda yerləşən Şamaxıda Alpaka fermasına ekskursiyalar təşkil olunub.
10 günlük reabilitasiya proqramı uşaqların emosional vəziyyətinin stabilləşdirilməsi və cəmiyyətə inteqrasiyasına dəstək məqsədi daşıyır.
