Azərbaycan Dövlət Aqrar Universitetində (ADAU) 2025/2026-cı tədris ilinin nəticələrinə həsr olunan Elmi Şuranın yekun iclası keçirilib.
“Tehsil365" xəbər verir ki, iclasda çıxış edən universitetin rektoru Zəfər Qurbanov hesabat dövründə həyata keçirilən fəaliyyətlər, əldə olunan nailiyyətlər və qarşıda duran əsas hədəflər barədə ətraflı məlumat verib.
Rektor bildirib ki, tədris ili ərzində universitetdə təhsilin keyfiyyətinin artırılması, maddi-texniki bazanın gücləndirilməsi, elmi-tədqiqat fəaliyyətinin genişləndirilməsi, beynəlxalq əməkdaşlığın inkişafı və tələbəyönümlü mühitin formalaşdırılması istiqamətində mühüm işlər görülüb.
Çıxış zamanı ADAU-nun beynəlxalq reytinqlərdə mövqeyini yaxşılaşdırdığı, xarici ali təhsil müəssisələri ilə əməkdaşlıq əlaqələrini genişləndirdiyi, tələbə və müəllimlərin akademik mobilliyinin artırılması istiqamətində uğurlu nəticələr əldə etdiyi vurğulanıb.
İclasda Elmi Şura üzvləri müzakirə olunan məsələlər ətrafında fikir və təkliflərini səsləndiriblər.
Sonda universitetin bir qrup əməkdaşına yubileyləri və səmərəli fəaliyyətlərinə görə fəxri fərmanlar və xatirə hədiyyələri təqdim olunub
