"Şəhidin səsi" proqramının növbəti buraxılışı şəhid polis Mahmudov Seymur Elsevər oğlunun əziz xatirəsinə həsr olunacaq.
"Tehsil365" xəbərə verir ki, Mahmudov Seymur Elsevər oğlu 1991-ci il iyul ayının 12-də Bakı şəhəri Binəqədi rayonunda anadan olmuşdur. Seymur Mahmudov orta təhsilini Bakı şəhəri, Binəqədi rayonu 246 saylı liseydə almışdır.
Seymur Mahmudov Azərbaycan Respublikasının Silahlı Qüvvələri tərəfindən 19 sentyabr 2023-cü il tarixində həyata keçirilmiş uğurlu lokal antiterror tədbirləri zamanı Xocavənd istiqamətində gedən döyüşlərdə şəhid olmuşdur.
Azərbaycan Respublikasının ərazi bütövlüyünün təmin olunmasında yüksək peşəkarlıq, şücaət və mərdlik göstərmiş, öz xidməti vəzifələrini və hərbi hissə qarşısında qoyulmuş tapşırıqları yerinə yetirərkən fərqlənmiş Azərbaycan Respublikası Daxili İşlər Nazirliyinin Əlahiddə Çevik Polis Alayının qulluqçusu Seymur Mahmudov Azərbaycan Respublikasının Prezidenti İlham Əliyevin sərəncamına əsasən "Vətən uğrunda" medalı ilə təltif edilmişdir.
Proqram 13 iyul saat 18:00-da yayımlanacaq. Bu buraxılışın aparıcısı "Tehsil365" İnformasiya Agentliyinin "Könüllü müxbir" layihəsinin məzunu Aysun Xanatova olacaq.
Qeyd edək ki, Aysun Xanatova "Könüllü müxbir" layihəsini müvəffəqiyyətlə başa vurmuş və diplomla təltif olunmuşdur.