Elm və Təhsil Nazirliyinin (ETN) 60 xidmətinin “myGov” platformasına inteqrasiyası nəzərdə tutulur.
“Tehsil365” xəbər verir ki, bunu Elm və Təhsil Nazirliyinin Təhsil Sisteminin İnformasiyalaşdırılması İdarəsinin Baş informasiya direktoru Vüsal Xanlarov İqtisadi İslahatların Təhlili və Kommunikasiya Mərkəzində keçirilən “Rəqəmsal arxitektura: Proqram idarəetməsi və nəticəəsaslı yanaşma” mövzusunda dəyirmi masada bildirib.
Onun sözlərinə görə, hazırda nazirliyin 8 xidməti “myGov” platformasına inteqrasiya edilib və bu xidmətlərdən 400 min istifadəçi yararlanır.
V.Xanlarov qeyd edib ki, digər xidmətlərin də platformaya əlavə olunması ilə “myGov” üzərindən təqdim edilən elektron xidmətlərin əhatəsi daha da genişlənəcək.