“Salam hər vaxtınız xeyir olsun mənə şəxsən dost və qayğılı münasibət göstərən “Tehsil365” saytının rəhbərliyi və bütün əməkdaşları və xüsusilə bu gün ki, açıqlama müraciəti ilə mənə yazan Fidan Məmmədli xanım.
Qeyd edim ki, “Gənclərin dini və mənəvi problemləri” çox ciddi mövzudur. Həddindən artıq aktual bir mövzudur.
Birinci növbədə hər bir gənc milli mənsubiyyətinə görə dini mənsubiyyəti ilə ciddi maraqlanmalıdır.Yəni mən Azərbaycanlıyam soy köküm hardan gəlir, milli mənsubiyyət məsələsi var, milli şüur, milli qürur məsələsi var. Milliliyə aid ola biləcək atalardan- babalardan və ümumiyyətlə bizim xalqın tarixi keçmişindən gələn o keyfiyyətlər nümunələri bunca mənəvi keyfiyyətlər mənəvi üstünlüklər hansı tarixdən bizə gəlib çatıbsa, və bu keyfiyyətlərin təməlində hansı idealoji əsas dayanırsa, yəni bizim milli, dini mənsubiyyətimizi bir ilahiyyatçı kimi İslama yönəltməsin istərdim. İslamla bağlamaların istərdim ki, İslamla bağlasınlar bütün milli, mənəvi dəyərlərimizi. Bu gün gənclərimiz çox azad, suveren, sivil bir cəmiyyətdə yaşayırlar. Buna baxmayaraq gənclərin doğru-düzgün mənəvi parametrlərə, doğru-düzgün dini bilgilərə yiyələnməsi və mənəviyyat mövzusunda mənəviyyat sektorunda gənclərin formalaşması gələcəyin genofondunun mənəviyyat müstəvisi üzərində və əsaslı ilahi müqəddəs dini bilgilər üzərində dini bilgilərdən yaranan möhkəm bir milli dini təəssübkeş idealogiyada formalaşmaqlarından ötəri bir mənalı şəkildə bu mənəviyyat məsələlərində gənclərin mənəvi təlimlərində, dini təlimində çox düşünülməlidir və etiraf etsək ki, bu sahədə çoxsaylı arzuolunmaz qatqılar var yəni məhz gəncliyimizin sabahı ilə bağlı tez oyanıb nümunəvi guya daha xeyirli daha məsləhətli görünən əslində belə deyilir ki, “Avazınız yaxşı gəlir oxuduğunuz Quran olsa” yəni mənəviyyat baxımındanda xarici yad təsirlər bizim gəncliyimizə, gəncliyimizin mənəviyyatına dini təlimatına hansısa formada çox müəmmalı təsir dairəsi yaratmaqdadır. Ona görə düşünürəm hər zaman bunun tərəfdarıyam ki, Azərbaycan gəncliyi milli üslubda mənəvi dəyərləri ilə bağlı bir konsepsiyanı formalaşdıra bilsin bu konsepsiyayada əsasən bu sahənin millətinə, mənəviyyatına, dininə səmimiyyətli olan şəffaf pedaqoqlar, bu sahənin mütəxəssisləri, sosioloqlar xüsusəndə çox mükəmməl vətəninə millətinə xalqına dövlətinə sədaqətli və milliliyinə diniliyinə özəl yanaşan bir vətənpərvər mütəxəssislərin və həqiqətən fədakar bu sahədə zəhmətkeş bu sahədə təmənnasız bir mövqe sərgiliyən mütəxəssislər Azərbaycan gəncliyinin mənəvi dini problemlərin aradan qaldırmaq üçün çox gecəli gündüzlü səy göstərməlidir.
Həmçinin mənim kimi ilahiyyatçıların da üzərinə böyük öhtəlik düşür. Mən öz növbəmdə bu sahədə belə odlu-alovlu danışmaqda, şəxs özün tərifləməz yetərincə öz üzərimə düşə biləcək bu məsuliyyətdən yayınmamışam. Gənclərimizin mənəvi, dini sahədə hətta deyək ki, mən on il müddətində bu sahədə Bakı şəhərinin böyük bir hissəsində gənclərimizin cəmiyyətimizin milli mənəvi dəyərlər bu sahədə, dini dəyərlər mövzusunda on ilimi həsr etmişəm. Buna görə özümdə İlahi qürur hissi keçirirəm ki, nə gözəl bu işlərlə vaxt keçirmişəm, aylarımı illərimi keçirmişəm. Yekun olaraq fikrimi bildirirəm ki, mən və bütün bu sahədə yəni ictimai öhtəlikləri olan insanlar cəmiyyətinə, dövlətinə, mənəviyyat sektoruna insan resursları baxımından gələcək cəmiyyətimizin möhkəm mənəvi, dini dəyərləri yüz faizli formalaşmağından ötəri burda əsas konsepsiya vətəninə, dininə, dilinə, cəmiyyətinə, dövlətinə bütövlükdə milli qürur, milli şüur bunları gələcək nəsillərə ötürmək üçün mən deyərdim ki, çox böyük bir yola çıxmaq lazımdır və xüsusilə də qeyd etmək lazımdır ki, hazırda biraz gənclərimizin mənəviyyat və dini baxımından hansısa formada neçə faizsə çaşğınlığa uğramasını müşahidə edirik yəni bu az faizin çox faizə keçməməsindən öncə hansısa formada hərəkətə keçməliyik. Hətta deyərdim ki, kiçik yaşlarından, məktəbəqədər təhsil müəssisələri, ibtidai təhsil siniflərindən hər tərəfdə milli mənsubiyyətə, milli- mənəvi dəyərlərə önəm verilməlidir. Nəticədə tarixi keçmişindən bu günə qədər gəlib çıxan şərəfli, şanlı Azərbaycan adına layiqli gələcək nəsillər formalaşdırılmalıdır.”