Azərbaycan Dillər Universitetində (ADU) keçirilən “Dil, Mədəniyyət və Multikulturalizm” Beynəlxalq Yay Məktəbi-2026 proqramı ilə bağlı Qazaxıstanın Ablay xan adına Beynəlxalq Münasibətlər və Dünya Dillər Universitetinin assosiativ professoru Venera Amanqeldiyevna İztayeva ADU-nun rektoru, akademik Kamal Abdullaya təşəkkür məktubu ünvanlayıb.
“Təhsil365” xəbər verir ki, məktubda yay məktəbinin yüksək səviyyədə təşkil olunduğu, proqramın zəngin məzmunu,akademik dərinliyi və mədəni müxtəlifliyi ilə iştirakçılarda xoş təəssürat yaratdığı vurğulanır. Venera Amanqeldiyevna İztayeva qeyd edir ki, yaradılan şərait göstərilən diqqət və dəstək iştirakçıların biliklərini genişləndirməsinə, səmərəli ünsiyyət qurmasına və yeni ideyalar mübadiləsi aparmasına mühüm töhfə verib.
Qonaq proqram müddətində nümayiş etdirilən yüksək təşkilatçılığı, qonaqpərvərliyi və səmimi atmosferi xüsusi qeyd edərək ADU kollektivinə təşəkkürünü ifadə edib.
Məktubun sonunda Venera Amanqeldiyevna İztayeva ADU kollektivinə gələcək fəaliyyətində uğurlar, yeni elmi nailiyyətlər və beynəlxalq əməkdaşlığın daha da genişlənməsini arzulayıb.