Naxçıvan Dövlət Universitetində idarəetmə sistemlərinin beynəlxalq standartlara uyğunlaşdırılması və əməkdaşların bu istiqamətdə biliklərinin artırılması məqsədilə ISO standartları üzrə təlimlər keçirilir.
“Tehsil365” xəbər verir ki, Naxçıvan Dövlət Universitetində mövcud idarəetmə sisteminin təkmilləşdirilməsi və beynəlxalq standartların tələblərinə uyğunlaşdırılması məqsədilə ISO standartları üzrə təlimlərə başlanılıb.
Təlimlər MID MMC tərəfindən təşkil olunur. Təlimçi idarəetmə sistemləri üzrə məsləhətçi, təlimçi və auditor Çinarə Məmmədovadır.
Təlim proqramı aşağıdakı istiqamətləri əhatə edir:
ISO 9001:2015 və ISO/FDIS 9001:2026 – Keyfiyyət idarəetmə sistemi;
ISO 21001:2025 – Təhsil təşkilatları üçün idarəetmə sistemi;
ISO/IEC 27001:2022 – İnformasiya təhlükəsizliyi idarəetmə sistemi;
ISO/IEC 42001:2023 – Süni intellekt idarəetmə sistemi.
Təlimlər zamanı standartların tələbləri, onların universitet fəaliyyətində praktiki tətbiqi, proseslərin idarə olunması və sənədləşdirilmiş informasiyanın yaradılması məsələləri izah edilir.
Təlimlərin əsas məqsədi NDU-da mövcud idarəetmə sisteminin beynəlxalq standartlara uyğunluğunun təmin edilməsinə dəstək göstərmək, prosesdə iştirak edən personalın bilik və bacarıqlarını artırmaq və universitetdə davamlı təkmilləşdirmə yanaşmasını inkişaf etdirməkdir.
Beynəlxalq standartların tətbiqi istiqamətində təlimlər növbəti mərhələlərdə də davam etdiriləcək.
