Odlar Yurdu Universitetinin Təbiət və Texnologiya fakültəsinin Biologiya və Ekologiya kafedrasının biologiya ixtisası üzrə tələbələri yay tətilini də elmi fəaliyyətlə səmərəli dəyərləndirərək növbəti beynəlxalq uğura imza atıblar.
OYU-dan “Tehsil365” ə bildirilib ki, Biologiya və Ekologiya kafedrasının müəllimi Vəliyeva Aytənin elmi rəhbərliyi və həmmüəllifliyi ilə hazırlanmış elmi tədqiqatlar 17–19 iyul 2026-cı il tarixlərində Albaniyanın Tirana şəhərində keçirilən IV Beynəlxalq Sosial və Humanitar Elmlər üzrə Simpozium çərçivəsində uğurla təqdim olunub. Simpoziumda Odlar Yurdu Universitetinin tələbələri aktual elmi mövzular üzrə məruzələrlə çıxış edərək beynəlxalq sertifikatlarla təltif ediliblər.
Beynəlxalq simpoziumda təqdim olunan elmi məruzələr aşağıdakılardır:
🔹 İlahə Osmanova – The Miracle from a Flower: What We Don’t Know About Saffron (Bir çiçəkdən gələn möcüzə: Zəfəran haqqında bilmədiklərimiz)
🔹 Elcan Şükürova – The Role of DNA Modifications in Cancer and Its Treatment (DNT modifikasiyalarının xərçəngdə rolu və müalicəsi)
🔹 Ellada Abbasova – The Effects of Climate Change on Human Health and Migration (İqlim dəyişikliyinin insan sağlamlığı və miqrasiya üzərində təsiri)
🔹 Banu Əmənullayeva – Food Security and Agriculture in the Context of Climate Change (İqlim dəyişikliyi şəraitində ərzaq təhlükəsizliyi və kənd təsərrüfatı)
🔹 Almaz Məmmədli – Azerbaijan’s Step Towards Global Climate Solidarity as a Host Country (Azərbaycanın ev sahibi ölkə kimi qlobal iqlim həmrəyliyinə doğru atdığı addım)
🔹 Almaz Məmmədli – Various Medicinal Plants (Müxtəlif dərman bitkiləri)
Tələbələrin beynəlxalq elmi tədbirdə uğurla təmsil olunması onların elmi-tədqiqat bacarıqlarının inkişafının, müəllim–tələbə əməkdaşlığının və Odlar Yurdu Universitetində elmi fəaliyyətə göstərilən diqqətin bariz nümunəsidir. Bu nailiyyət universitetin beynəlxalq elmi mühitdə fəal iştirakını və tələbələrin qlobal elmi platformalarda öz bilik və bacarıqlarını nümayiş etdirmək imkanlarını bir daha təsdiq edir. Odlar Yurdu Universiteti biologiya ixtisası üzrə tələbələri və onların elmi rəhbəri Vəliyeva Aytəni bu əlamətdar beynəlxalq uğur münasibətilə səmimi-qəlbdən təbrik edir, gələcək elmi fəaliyyətlərində yeni nailiyyətlər, uğurlu layihələr və beynəlxalq arenada daha böyük uğurlar arzulayır.