“Xəzər”in tələbəsi beynəlxalq karate turnirində iştirak edib.
Xəzər-dən “Tehsil365” ə bildirilib ki, təbiət elmləri və mühəndislik fakültəsinin II kurs tələbəsi Nihat Məcidov növbəti idman uğuruna imza atıb. 2026-cı il iyulun 18- də Gəncə şəhərində Azərbaycan Karate Federasiyası və Dünya Karate Federasiyasının təşkilatçılığı ilə keçirilən "Olimpiya Ümidləri" beynəlxalq turnirində Fövqəladə Hallar Nazirliyinin Karate Klubunu təmsil edən Nihat Məcidov U2, 75 kq çəki dərəcəsində uğurla çıxış edərək, fəxri kürsünün II pilləsinə yüksəlib və gümüş medal qazanıb.
Qeyd edək ki, bu, Nihat Məcidovun peşəkar liqada beynəlxalq səviyyəli ilk yarışı olub. Turnirdə Azərbaycanla yanaşı, Türkiyə, Pakistan, Gürcüstan, Moldova və Rumıniya kimi ölkələrdən tanınmış karateçilər iştirak ediblər.
Ümumilikdə, yarışda 7 ölkəni təmsil edən 600-ə yaxın karateçi mübarizə aparıb.
Xəzər Universiteti Nihat Məcidovu qazandığı uğur münasibətilə təbrik edir, ona həm təhsilində, həm də idman karyerasında yeni nailiyyətlər arzulayır.