“Ümumiyyətlə, məktəbəqədər mərhələ uşağın həyatında çox mühüm yer tutur. O cümlədən, uşağın psixologiyasının formalaşmasında da vacib rol oynayır”.
Bu sözləri “Tehsil365”ə açıqlamasında psixoloq Fəridə Musəvi bildirib.
Psixoloq bildirib ki, məktəbəqədər hazırlıq dönəmi, adından da göründüyü kimi, məktəbə hazırlıq dönəmidir.
“Məktəbəqədər hazırlıq dönəmi, adından da göründüyü kimi, məktəbə hazırlıq dönəmidir, yəni məktəbin nə olduğunun, məktəbdə nələrin aşılanacağının ibtidai mərhələsi olaraq uşaqlara xırda məlumatlar ötürülür”.
Onun sözlərinə görə, burda valideynlər çalışmalıdırlar ki, onların seçdiyi məktəbəqədər hazırlıq müəllimi yetişmiş bir pedaqoq olsun.
“Burda valideynlər çalışmalıdırlar ki, onların seçdiyi məktəbəqədər hazırlıq müəllimi yetişmiş bir pedaqoq, eyni zamanda uşaq psixoloqu - uşaq psixologiyasından məlumatı olan bir kəs olsun. Əgər uşaq psixologiyasından məlumatı olmayan, uşaq psixologiyasının əsaslarını bilməyən bir müəlliməyə uşağı həvalə eləsə, orda uşağın psixologiyası ciddi bir sarsıntı görə bilər”.
Psixoloq vurğulayıb ki, valideynlər, ilk növbədə, uşaqla həmin müəllimin ünsiyyətinə diqqət etməlidir.
“Valideynlər, ilk növbədə, uşaqla həmin müəllimin ünsiyyətinə diqqət etməlidir. Bundan əlavə, evdə uşağın müəllim haqqında fikirlərini almalıdır. Əgər uşaq müəllim haqqında xoş fikir deyirsə, müəllimə üçün darıxırsa, onla oynadığı oyunları valideynlə də oynamaq istəyirsə, deməli, valideyn uşağını etibarlı əllərə həvalə edib”.