Dual peşə təhsili modeli üzrə 57 ixtisasa 2 min 560 tələbənin qəbulu planlaşdırılır.
“Tehsil365”xəbər verir ki, bunu Peşə Təhsili üzrə Dövlət Agentliyinin direktoru İlqar Bayramlı peşə təhsili üzrə tələbə qəbulu və yeni yaradılan ixtisaslarla bağlı təşkil olunan brifinqdə deyib.
Direktor bildirib ki, dual təhsil proqramı 150-dən çox işəgötürənlə əməkdaşlıq əsasında həyata keçirilir. Proqram hazırda 22 regionu, 33 peşə təhsili müəssisəsini və 57 ixtisası əhatə edir.
İlqar Bayramlı qeyd edib ki, dual təhsil üzrə tələbə sayında son üç ildə təxminən üç dəfə artım müşahidə olunur. 2023-cü ildə bu göstərici 872 nəfər olduğu halda, 2024-cü ildə 1273 nəfərə, 2025-ci ildə 1704 nəfərə yüksəlib. Cari ildə isə dual təhsil proqramı üzrə 2560 tələbənin qəbulu planlaşdırılır.