Azərbaycan Texniki Universiteti ilə Türkiyənin Gazi Universiteti arasında həyata keçirilən ikili diplom proqramı abituriyentlərə beynəlxalq təhsil imkanı təqdim edir.
“Tehsil365” xəbər verir ki, Azərbaycan Texniki Universiteti və Gazi Universiteti arasında həyata keçirilən ikili diplom proqramı çərçivəsində tələbələr təhsillərinin ilk 2 ilini AzTU-da, növbəti 2 ilini isə Gazi Universitetində davam etdirəcəklər.
Proqramı uğurla başa vuran məzunlar hər iki universitetin diplomunu əldə etmək imkanı qazanacaqlar.
İkili diplom proqramı tələbələrə beynəlxalq akademik mühitdə təhsil almaq, güclü akademik baza formalaşdırmaq və gələcək karyera imkanlarını genişləndirmək imkanı yaradır.