2026–2027-ci tədris ili üzrə "Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı" çərçivəsində doktorantura səviyyəsində təhsil almaq hüququ qazananların əksəriyyəti Böyük Britaniyanın aparıcı universitetlərinə qəbul olub.
“Tehsil365” Azərbaycan müəllimi-nə istinadən xəbər verir ki, "Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı" çərçivəsində bu il xaricdə təhsil almaq hüququ qazanan 500 nəfərin 22-si doktorantura səviyyəsində təhsil alacaq.
Doktorantların 18 nəfəri Böyük Britaniya, ABŞ, Finlandiya, Almaniya və İspaniya universitetlərinin hər birinə isə 1 nəfər qəbul olunub. Beləliklə, doktorantların təxminən 82 faizi Böyük Britaniyada təhsil alacaq.
Universitetlər üzrə bölgüdə Mançester Universiteti və Nottingem Universiteti hər biri 3 nəfərlə ilk sırada qərarlaşıb. Sonrakı yerlərdə Edinburq Universiteti, Bristol Universiteti, Oksford Universiteti və Qlazqo Universiteti hər biri 2 doktorantla təmsil olunur. Digər doktorantlar isə Sauthempton, Uorvik, Şeffild, Birminhem, Helsinki, Merilend, Münhen Texniki və Barselona Muxtar universitetlərində təhsil alacaqlar.