2026–2027-ci tədris ili üzrə “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2028-ci illər üçün Dövlət Proqramı” çərçivəsində ən çox qəbul Edinburq Universitetinə olub.
“Tehsil365” Azərbaycan müəllimi-nə istinadən xəbər verir ki, proqram üzrə xaricdə təhsil almaq hüququ qazanan 500 nəfərin 125-i bakalavr, 353-ü magistr, 22-si isə doktorantura səviyyəsində təhsil alacaq.
Qəbul nəticələrinə əsasən, Edinburq Universitetinə 55 nəfər, London İmperial Kollecinə 48 nəfər, Mançester Universitetinə 30 nəfər, Qlazqo Universitetinə 25 nəfər, London Kral Kollecinə 24 nəfər, Birminhem Universitetinə 20 nəfər qəbul olunub.
İlk onluqda həmçinin Kolumbiya Universiteti (19 nəfər), London Universitet Kolleci (UCL) (17 nəfər), Kaliforniya Universiteti, Berkli (17 nəfər) və Sidney Universiteti (16 nəfər) yer alıb.