Azərbaycan Dillər Universitetinin (ADU) Psixologiya və Pedaqogika kafedrasının müəllimi Gülgün Novruzova Böyük Britaniyanın paytaxtı Londonda keçirilən VI International British Congress on Interdisciplinary Scientific Research & Practices beynəlxalq elmi konfransında uğurla çıxış edib.
ADU-dan “Tehsil365” ə bildirilib ki, alimin "Innovative Teaching Strategies in Contemporary English Language Classrooms" ("Müasir ingilis dili dərslərində innovativ təlim strategiyaları") adlı elmi məqaləsi isə British Congress Publications tərəfindən nəşr olunan "Proceedings of the VI International British Congress on Interdisciplinary Scientific Research & Practices" adlı nüfuzlu beynəlxalq elmi nəşrdə dərc olunub.
Məqalədə müasir ingilis dili tədrisində tətbiq olunan innovativ pedaqoji strategiyalar, tələbəyönümlü təlim yanaşmaları və rəqəmsal texnologiyaların təhsil prosesinə inteqrasiyasının öyrənmənin keyfiyyətinə təsiri elmi baxımdan təhlil edilir. Tədqiqatda kommunikativ təlim, layihəəsaslı öyrənmə, əməkdaşlığa əsaslanan fəaliyyətlər və interaktiv tədris metodlarının öyrənənlərin dil bacarıqlarının inkişafına, motivasiyasının yüksəlməsinə və dərs prosesində fəal iştirakının təmin edilməsinə verdiyi töhfələr əsaslandırılır. Eyni zamanda, innovativ tədris strategiyalarının tələbələrdə tənqidi düşünmə, yaradıcılıq, əməkdaşlıq və problem həll etmə bacarıqlarının formalaşmasına müsbət təsiri diqqətə çatdırılır.
Qeyd edək ki, "Proceedings of the VI International British Congress on Interdisciplinary Scientific Research & Practices" dünyanın müxtəlif ölkələrindən alim və tədqiqatçıların aktual elmi araşdırmalarını özündə birləşdirən, beynəlxalq elmi ictimaiyyət tərəfindən maraqla izlənilən nüfuzlu akademik nəşrlərdən biridir. Gülgün Novruzovanın beynəlxalq konfransda məruzə ilə çıxış etməsi və elmi məqaləsinin bu beynəlxalq elmi nəşrdə yer alması Azərbaycan Dillər Universitetində aparılan elmi tədqiqatların beynəlxalq akademik mühitdə uğurla təmsil olunmasının və universitet alimlərinin elmi potensialının yüksək səviyyədə qiymətləndirilməsinin növbəti göstəricisidir.
Gülgün Novruzovanı bu münasibətilə təbrik edir, ona gələcək elmi-pedaqoji fəaliyyətində yeni nailiyyətlər və beynəlxalq uğurlar arzulayırıq.
Məqalə ilə daha ətraflı aşağıdakı link vasitəsilə tanış olmaq mümkündür: