Bu il ali təhsil müəssisələrinin magistraturalarına qəbul imtahanları 15 fevral, 17 may və 14 iyun tarixlərində keçirilib. 2026-cı ildə təşkil olunan imtahanlarda ümumilikdə 27 859 bakalavr iştirak edib.
“Tehsil365” Dövlət İmtahan Mərkəzindən (DİM) əldə etdiyi məlumata əsasən, nəticələrin bölgüsündə 0-30 bal intervalında 3 684 bakalavr nəticə göstərib.
30-35 bal intervalında nəticə toplayanların sayı 2 827, 35-40 bal toplayanların sayı 3 496, 40-45 bal toplayanların sayı 3 867, 45-50 bal toplayanların sayı 3 751, 50-55 bal toplayanların sayı isə 3 323 nəfər olub.
Bundan əlavə, 55-60 bal intervalında 2 620, 60-65 bal intervalında 1 816, 65-70 bal intervalında 1 212 bakalavr nəticə göstərib. 70-75 bal toplayanların sayı 684, 75-80 bal toplayanların sayı 335, 80-85 bal toplayanların sayı 150, 85-90 bal toplayanların sayı 68, 90-95 bal toplayanların sayı 21, 95-100 bal toplayanların sayı isə cəmi 5 nəfər olub.
Statistik göstəricilərdən aydın olur ki, bakalavrların ən böyük hissəsi 40-45 bal intervalında nəticə göstərib. Ondan sonrakı ən yüksək göstəricilər isə 45-50 bal və 0-30 bal intervallarında qeydə alınıb.