“Copernicus Berlin” təşkilatı tərəfindən 2027-ci ilin yay semestri üzrə Beynəlxalq Mükəmməllik Təqaüd Proqramına (International Excellence Scholarship Programme – IES) müraciətlərin qəbuluna başlanılıb.
“Tehsil365” xəbər verir ki, Proqram UNEC tələbələrinə Almaniyanın aparıcı ali təhsil müəssisələrindən birində bir semestr mübadilə təhsili almaq, daha sonra isə Berlində tam ştatlı peşəkar təcrübə proqramında iştirak etmək imkanı təqdim edir.
İştirakçılar aşağıdakı universitetlərdən birində təhsil ala bilərlər:
Humboldt Universiteti (Humboldt-Universität zu Berlin – HU Berlin);
Berlin Azad Universiteti (Freie Universität Berlin – FU Berlin);
Berlin İqtisadiyyat və Hüquq Məktəbi (Hochschule für Wirtschaft und Recht Berlin – HWR Berlin);
Potsdam Universiteti (Universität Potsdam).
Proqram çərçivəsində iştirakçılar akademik biliklərini inkişaf etdirmək, praktiki iş təcrübəsi qazanmaq, ictimai və könüllülük fəaliyyətlərində iştirak etmək, mədəniyyətlərarası bacarıqlarını təkmilləşdirmək və beynəlxalq əlaqələr şəbəkəsi qurmaq imkanı əldə edəcəklər.
Kimlər müraciət edə bilər?
Proqrama:
bütün ixtisaslar üzrə bakalavriat, magistratura və doktorantura səviyyələrində təhsil alan;
proqramın başlanma tarixində yaşı 28-dən çox olmayan;
ingilis və ya alman dilini minimum B1 səviyyəsində bilən tələbələr müraciət edə bilərlər.
Müraciət zamanı dil sertifikatının təqdim olunması tələb edilmir. İlkin seçim mərhələsini uğurla keçən namizədlərə əlavə tapşırıqlar təqdim olunacaq və onlar müsahibəyə dəvət ediləcəklər.
Proqramın müddəti: 1 aprel–30 sentyabr 2027-ci il
UNEC tələbələri üçün son müraciət tarixi: 7 avqust 2026-cı il
Müraciət forması və proqram haqqında ətraflı məlumat:
https://copernicusberlin.org/en/ies
Müraciət platforması:
https://campus.copernicusberlin.org/event/IESSOSE27