Avstraliyada 16 yaşdan kiçik şəxslərin sosial şəbəkələrdən istifadəsinə qoyulan qadağa uğursuzluqla nəticələnib. Tətbiq edilən məhdudiyyətlər yetkinlik yaşına çatmayan istifadəçilərin sayında yalnız çox kiçik bir azalmaya səbəb olub. Bu isə qəbul edilmiş qanuna əməl olunmadığını göstərir.
“Tehsil365” xəbər verir ki, bu barədə "Bloomberg" agentliyi Avstraliyanın İnternet Təhlükəsizliyi İdarəsinin hesabatına istinadən məlumat yayıb.
Sənəddə vurğulanır ki, məhdudiyyətlər tətbiq edildikdən sonra - mart ayında sosial şəbəkələrdən istifadə etdiyini bildirən 16 yaşdan kiçik şəxslərin nisbəti 81.5% təşkil edib. Halbuki qanun qüvvəyə minməzdən əvvəl Avstraliyada yeniyetmələrin 85.9%-i sosial platformalardan istifadə edirdi.
Eyni zamanda yetkinlik yaşına çatmayan istifadəçilərin böyük əksəriyyəti öz mövcud hesablarını saxlamağa və ya yenilərini açmağa nail olublar. Mütəxəssislər qeyd edirlər ki, bu vəziyyət əsasən platformalarda yaşın yoxlanılması sistemlərinin və səmərəli nəzarətin olmaması səbəbindən baş verib.