Beynəlxalq Təhsil Mərkəzi və "Marsol Academy""nin tələbəsi Bahar Mustafazadə beynəlxalq ali təhsil sahəsində möhtəşəm uğura imza ataraq 13 fərqli ölkənin 32 universitetindən qəbul alıb. Bununla yanaşı, o, 9 universitetdən müxtəlif həcmli təqaüdlər qazanaraq yüksək akademik göstəricilərini bir daha təsdiqləyib.
“Tehsil365” xəbər verir ki, Bahar Mustafazadənin qəbul aldığı universitetlər sırasında dünyanın tanınmış ali təhsil müəssisələri yer alır. O, ABŞ-ın nüfuzlu University of Pennsylvania, University of North Carolina at Chapel Hill, Pennsylvania State University, University of Pittsburgh, University of Arizona, Michigan State University, Arizona State University və University of Oklahoma universitetlərindən qəbul alıb.
Bundan əlavə, Böyük Britaniyanın University of Manchester, Lancaster University, University of Exeter, University of Liverpool və University of Derby universitetləri də Baharın uğur siyahısında yer alır.
Avropanın aparıcı ali təhsil müəssisələri olan Aalto University (25% təqaüd), Erasmus University Rotterdam, Koç University (50% təqaüd), Sabancı University (75% təqaüd), Bilkent University (80% təqaüd), IE Business School, EM Normandie Business School və digər nüfuzlu universitetlərdən aldığı qəbul məktubları onun akademik potensialını beynəlxalq səviyyədə təsdiqləyir.
Bahar eyni zamanda Azərbaycanın nüfuzlu ali təhsil müəssisələrindən biri olan ADA Universitetindən də qəbul alaraq uğurlarına daha bir əhəmiyyətli nailiyyət əlavə edib.
Təqaüd qazandığı universitetlər arasında xüsusilə Arizona State University tərəfindən təqdim olunan 56.000 ABŞ dolları məbləğində təqaüd diqqət çəkir.
Ümumilikdə Bahar Mustafazadə:
13 ölkənin 32 universitetindən qəbul, 9 universitetdən təqaüd qazanaraq əlamətdar nəticə əldə edib.
Bu uğur bir daha göstərir ki, düzgün akademik planlama, peşəkar istiqamətləndirmə və məqsədyönlü hazırlıq beynəlxalq ali təhsil yolunda böyük nailiyyətlər əldə etməyə imkan yaradır. Baharın əldə etdiyi bu nəticə illər ərzində iştirak etdiyi layihə əsaslı təhsil proqramlarının, qazandığı praktik bilik və təcrübələrin, beynəlxalq layihə, olimpiada və yarışlarda nümayiş etdirdiyi uğurların, müxtəlif ölkələrdə əldə etdiyi nailiyyətlərin, eləcə də biznes yönümlü və hərtərəfli inkişaf proqramlarında formalaşdırdığı bilik, bacarıq və liderlik keyfiyyətlərinin məntiqi nəticəsidir.
Baharın inkişaf yolu bir daha sübut edir ki, nəzəri biliklə yanaşı, real layihələrdə iştirak etmək, beynəlxalq təcrübə qazanmaq, olimpiada və yarışlarda ölkəni uğurla təmsil etmək, sahibkarlıq, analitik düşüncə, liderlik, kommunikasiya və problem həll etmə bacarıqlarını inkişaf etdirmək gəncləri dünyanın aparıcı universitetlərinə aparan ən vacib amillərdəndir.
Beynəlxalq Təhsil Mərkəzi və Marsol Academy olaraq tələbəmiz Bahar Mustafazadəni bu möhtəşəm uğuru münasibətilə ürəkdən təbrik edir, ona gələcək təhsil və karyera həyatında yeni nailiyyətlər arzulayırıq. İnanırıq ki, bu uğur xaricdə təhsil arzusunda olan minlərlə gənc üçün ilham mənbəyi olacaq.