“Günvurmadan qorunma yolları, birinci növbədə, xəstəni isti havada isti yerdən mütləq kölgəli yerə çəkmək lazımdır. Əgər xəstəni gün vurubsa, artıq o yıxılıbsa, vəziyyəti çətindirsə, onun yaxasını açmaq, sifətinə, sinəsinə soyuq su vurmaq lazımdır”.
Bu sözləri “Tehsil365”ə açıqlamasında tibbi ekspert Rasif Bağırov bildirib.
Ekspert bildirib ki, saat 11-dən 3-ə qədər günün güclü düşən dövrlərində isti günəş şüası altında işləmək olmaz.
“Bundan əlavə, çalışmaq lazımdır ki, saat 11-dən 3-ə qədər günün güclü düşən dövrlərində isti günəş şüası altında işləməyəsən. Bu çox risklidir. Həmin anlarda insanı gün vura bilər”.
Onun sözlərinə görə, bu hallar daha çox yaşlı adamlarda rast gəlinir.
“Eyni zamanda, yaşlı adamları, xəstə insanları, xroniki xəstə olan insanları daha çox gün vurur. Ona görə də çalışmaq lazımdır ki, saat 11-ə qədər, həmçinin 11-dən 3-ə qədər günün altında dayanmayasan. Bu, onun qorunma hallarıdır”.