“Aşağı-yuxarı ötən ilki illə az fərqlə o həmişə prestij sayılan fakültələrə, ixtisaslara yenə seçim aparanların sayı çox olacaq”.
Bu fikirləri Məzahir Məmmədli “Tehsil365”ə verdiyi açıqlama bildirib.
Məzahir Məmmədli bildirib ki, ötən ilki illə müqayisədə bu ilin buraxılış imtahanları kifayət qədər ağır keçdi. Ona görə də həm blok, həm buraxılış imtahanlarının nəticələrinin görə, əlbəttə ki, ötən ilki illə müqayisədə ballarda müəyyən qədər azalmalar olacaq. Amma bu seçim turunda, universitetə qəbul zamanı düşünürəm ki, çox büyük fərqlər yaratmayacaq.
“Aşağı-yuxarı ötən ilki illə az fərqlə o həmişə prestij sayılan fakültələrə, ixtisaslara yenə seçim aparanların sayı çox olacaq.
Bu işdə müəyyən artımları ancaq biz ikinci qrupda müşahidə edə biləcəyik. Ona görə ki, ikinci qrupda rəqabət yüksək olacaq. Bilirsiz ki, ötən illərlə müqayisədə bu il 3000 nəfər artıq sənəd verən var. Bunlar adətən üçüncü qrupda nəticə göstərə bilməyib ikinci qrupa sənəd verənlərdir ki, burda da müəyyən qədər artıq üçüncü qrup üçün yük azalır, ama ikinci qrup üçün əlavə rəqabət artır.
Dövlət İmtahan Mərkəzinin sədrinin bir fikri oldu ki, 150 ballıqlarla bağlı fakültələr, ixtisaslar artacaq. Bu da o deməkdir ki, artıq bu mərhələdə də subbakalavrlar üçün seçim imkanları zəif olacaq”.
Onun sözlərinə görə, Ümumiyyətlə, hər il Dövlət İmtahan Mərkəzinin nəticələri ilə bağlı verilən proqnozları həmişə görmüşəm, verilən proqnozlar öz yerini tapmayıb. Ona görə də bu məsələdə bir qədər ehtiyatlı danışmaq lazımdır. Çünki bu toplanan ballardan, yerlərə olan müraciət sayından asıldır və inandırım ki, bəlkə də son ana qədər kimsə bunu proqnozlaşdıra bilmir ki, bir yerə qarşı nə qədər namizəd həvəs göstərəcək, seçimdə iştirak eləyəcək. Ona görə də burda daha çox ötən illərin nəticələrini analiz eləmək və aşağı-yuxarı 5 bal aşağı, 10 bal yuxarı, yəni bu intervalda seçim aparmaq lazımdır.
“Bizim də gənclərimizin taleyinə, bu yazılıb ki, bizim Dövlət İmtahan Mərkəzinin qaydaları məcbur eləyir ki, o arzuladığı, istədiyi ixtisasa görə yox, məhz topladığı bala görə peşə seçsin. Bu da gələcəkdə onlarda müəyyən bir xəyal qırıqlığı yaradır və heç təsadüfi deyil ki, ötən il 13 000 tələbə tədrisini yarımçıq qoydu. Əlbəttə ki, bunların hamısı bu məsələ ilə bağlı deyildi, amma en azı 50%-i qəbul olunandan sonra oxumağ həvəsi göstərmir ki, bu ixtisas bizə bir nəticə verməyəcək”.